click me

Oqallinnermut peqataagit









Illit illersorneqarnissat peqqutigalugu najukkat





Kommuneplania
SIUNNERSUUT
Oqallinnermut peqataagit!
SIUNNERSUUT
Oqallinnermut peqataagit!

Saqqaa / Illoqarfiit nunaqarfiillu pilersaarutaat / Iginniarfik

Iginniarfik


Iginniarfik Kangaatsiamiit 40 km-it missiliorlugit kujalliuvoq, Ikerasaarsummiillu 15 km-it missiliorlugit kangilliulluni, qeqertaasallu Alanngorsua-nik atillup kujammut sammisortaaniilluni. Nunaqarfik asimioqarfittut tunngavilerneqarpoq 1850-p missaani, ilisarnaatigalugulu pissutsit aallaavigalugit nerumaartumik silaannaqarnini.

Nunaqarfik kangerluarannguamiippoq illugiinnillu imartaqarluni. Nunaqarfiup pisoqartaa narsaamanertamiippoq avannamut sivingasuumik qaqqajunnartalimmi.



Nunaqarfiup anguniagai (pingaartitat, ineriartornermi anguniakkat il.il.)

Iginniarfimmi sullissinermi pissutsit atuuttut inissatigullu neqeroorutit nunaqarfiup alliartorneranut naleqqussarneqassapput. Inuussutissarsiutinik ineriartortitsineq tapersersorneqassaaq pingaartumik, aalisartunut, tunisassiorfimmilu naammattunik inissaqartitsisoqarneratigut. Ingerlaarfiusinnaasut aqqusineeqqallu pitsanngorsarneqassapput, taamatullu eqqaavilerineq aaqqiivigineqassaaq.

Innuttaasut ineqarnerlu

Iginniarfik 73-nik inoqarpoq ulloq 01.1 2017. Nunaqarfik 1990’kkunni annertuumik alliartorpoq, 2005-illi kingorna innuttaasut amerlassusaat sukkasuumik appariartulerpoq (27 %-mik). 

Siunissamut sammisumik innuttaasut amerleriaateqarnissaat naatsorsuutigineqanngimmat, pilersaarusiorfiup ingerlanerani pingaarnertut pisariaqartinneqassaaq, isaterinernut atatillugu nutaanik illuliortoqartarnissaa.

Iginniarfimmi illut 20-iupput amerlanerpaartaallu ilaqutaarinnut ataasiakkaanut inissiaallutik. Nunaqarfimmi utoqqarnut inissiaqanngilaq.

Nunaqarfiup inissaqarfii marluusut sanaartofiunngingajalluinnarput siunissamilu pilersaarusiornermut atorneqarsinnaallutik. Sanaartorfigineqarsinnaasoq inissianut 20-inut inissaqarpoq tamannalu piffissami pilersaarusiorfiusumi pisariaqaartitsinermut matussusissalluni.

Inuussutissarsiutit umiarsualivillu

Innuttaasut amerlanersaat pingaarnertut piniarnermik aalisarnermillu inuussutissarsiuteqarput, nunaqarfik aalisakkeriveqaranilu/tunisassiorfeqanngilaq. Aalisarnerup piniarnerullu sanitigut suliffissat makkununnga attumassuteqarput, pisortat ingerlatsivii, atuarfik sullisiviillu.

Nunaqarfinni sisamaasuni Kangaatsiamut atasuni suliffissaaleqisut procentiat (18,230 %)-iuvoq tamannalu Kangaatsiamit (17,1 %) qaffasinnerulaarpoq, kiisalu kommunimi najugaqarfinni allanut sanilliullugu marloriaatigajaalluni (8,2-10,9 %). Taamaalilluni aamma kommunimi agguaqatigiissitsinermiit (10,7 %) aamma nunat tamakkerlugu agguaqatigiissitsinermiit (9,1 %) qaffasinnerujussuulluni. Sulisinnaassusillit suliffeqarfinnut assigiinngitsunut agguaassimanerat pillugu, kisitsisinik paasissutaasinnaasunik nassaassaqanngilaq

Umiarsualivik malingiaateqarpoq.

Kommuneplani malillugu inissamik inuussutissarsiutinut atugassamik sinneruttoqanngilaq

Angallannermi periarfissat sullissinerlu

Nunaqarfik helistop-eqarpoq, Air Greenland-ip ukiuunerani upernaakkullu kiffartuussivigisartagaanik. Maajimiit Oktobarimut, Aasiaat Kangaatsiallu akornani. Talittarfik usinut aamma ilaasunut atorneqarpoq. Tamatuma avataatungaa talittarfittut oqartussaaffeqarfittut Naalakkersuisuniit toqqarneqarsimavoq. Nunaqarfik annikitsuinnarneq qallersuutitaqanngitsunik aqqusineqarpoq.

Imermik pilersuineq, nilaat atorlugit nunaqarfiullu kujataatungaaniit tatsimiit imermik assartorluni isumagineqartarpoq. Aammattaaq nunaqarfik innaallagissiuuteqarpoq, tassanngaannillu innaallagissap aqqutaasa annertusarneqarnissaat pilersaarutaavoq. Eqqaavinnut kuuffilersugaanngilaq. Ullunerani unnuakkullu kiisalu naajuitsunik (kemisk) saviminikullu eqqakkat, eqqaavissuarmi katersorneqartarput.

TELE Greenlandip oqarasuaatit assigissaallu atorlugit attaveqarneq isumagisaraa.

Nunaqarfimmi sullissinermik ingerlatsivinnut ilaapput pisiniarfeerannguaq aamma nunaqarfiup allaffia (B710). Atuarfiup illutaaniipput, niviarsiamut nakorsiartarfik atuarfillu oqaluffiuutigisoq.  Meeqqanik paarsisarneq angerlarsimaffimmi paarsisarneq aqqutigalugu ingerlataavoq.

Ilinniartitaaneq

Atuarfik – Atuarfik Iginniarfik –20-it missiliorlugit atuartoqarpoq atualeqqaaniit 9. klassimut.

Kulturi sunngiffillu

Atuarfitoqaq (B53) nunaqarfiup katersortarfiatut atorneqarpoq. Taassuma saniatigut arsaattarfeqarpoq nunaminertami nunaqarfiup kujataatungaani maninnersami atsinnerusumiittumi, helistop-ip eqqannguani.  Iginniarfimmi eriagisarialinnik eqqissisimatitassanilluunnit toqqaasoqarnikuunngilaq.


Kingullermik iluarsineqarpoq 19-1-2018

Attaveqarfissaq

Kommune Qeqertalik
Niels Egedes Plads 1
Postboks 220
3950 Aasiaat

Telefon: (+299) 70 19 00
plan@qeqertalik.gl

GER-nr: 37488895