click me

Oqallinnermut peqataagit









Illit illersorneqarnissat peqqutigalugu najukkat





Kommuneplania
SIUNNERSUUT
Oqallinnermut peqataagit!
SIUNNERSUUT
Oqallinnermut peqataagit!

Saqqaa / Illoqarfiit nunaqarfiillu pilersaarutaat / Kitsissuarsuit

Kitsissuarsuit


Kitsissuarsuit nunaqarfiit pingasut Aasiannut atasut ilagaat, illoqarfimmiit 21 km-it missiliorlugit avannarliusoq, qeqertarpaalunnguit ateqaatigisami kujallersaanni. Nunaqarfik 1830-mi tunngavilerneqarpoq, tamannali sioqqullugu 1817 tikillugu arfanniarfiusarsimalluni.



Nunaqarfiup anguniagai (pingaartitat, ineriartornermi anguniakkat il.il.)

Nunaqarfimmi sullissinermi pissutsit atuuttut inissatigullu neqeroorutit attatiinnarniarneqarput. Ineriartorneq annertunerusoq allanngortiterinerillu nunaqarfiup killingata atuuttup iluani pissapput. Kitsissuarsunni sullissinermi pissutsit atuuttut inissatigullu neqeroorutit attatiinnarniarneqarput. Ineriartorneq annertunerusoq nunaqarfiup killingata atuuttup iluani pissapput. Nunaminertamik inuussutissarsiutinut atorneqarsinnaasumik naammattumik angissusilimmik immiikkortitsisoqartariqarpoq, aalisakkanik tunitsiviliorfiusinnaasumik aamma amernik suliarinneqqaartarfiliorfiusinnaasumik. Taakkua saniatigut takornariaqarnermi periarfissat ineriartorneqarsinnaanerannik, innuttaasut kissaatigisaat, ineria-tortinneqartariaqarput Aasiaat suleqatigalugit. Nunaqarfimmi silami nunaminertani periarfissat katersuuffiusartullu qullilersorlugit pitsanngorsarneqarsinnaapput.

Innuttaasut ineqarnerlu

1989-illi kingorna innuttaasut amerlassusaat asppariartuaalaarsimavoq maannakkullu 2017-imi nunaqarfik 59-inik inoqarpoq. Naatsorsuutigineqarpoq innuttaasut amerlassussat suli appariartuaassasoq kiisalu pilersaarusiornermullu piffissarititaasumi isaterineqarmut atatillugu taartaasussanik nutaanik sanaartortoqartariaqassalluni.

Illut amerlanersaat tassaapput ilaqutariit illui ataasiakkaat qaliaqanngitsut imaluunnit aappaa avillugu qaliallit, amerlanersaallu 1975-ip kingornagut sanaajupput. Kommuneplani malillugu Kitsissuarsunni sanaartorfiusinnaasoq sinneruttoq illunut 60 missinginut naapertuuppoq.

Inuussutissarsiutit umiarsualivillu

Suliffiit amerlanersaat aalisarnermik piniarnermillu inuussutissarsiuteqarnermut tunngasuupput.Tamakkua saniatigut sullissiveqarfinni, pisiniarfimmi, atuarfimmi kommunillu nunaqarfimmi ingerlatsiviini assigiinngitsuni, allaffinnilu suliffis-saqarpoq. Tunisassiorfeqanngilaq annikittuinnarmillu tunisisoqartarpoq.

Umiarsualivik nunaqarfiup avannamut kangiatungaaniittoq1987-mi talittarfittalerlugu allineqarpoq. Umiatsiaaqqat angallatillu, kangerlunnguami umiarsualiviup kujataatungaaniuttumi qaqittisarfittalimmut, inissinneqartarput.Talittarfimmiit kangimut 500 meteri talittarfeqarnikkut oqartussaaffeqarfittut Naalakkersuisunit toqqarneqarsimavoq.

Nunaqarfiit taakku pingasut Aasiaat pigisaanneersut 2015-imi suliffissaaleqisut procentiat katillugu 10,2-juvoq, tamannalu aasianniit (8,2 %) qaffasinneruvoq taamaattorli Qeqertalimmi aggguaqatigiissitsinermut assiguvoq. Tamanna kommuni Qeqertalimmi (10,7 %) agguaqatigiissitsinermut naapertuuppoq, taamaatoq nuna tamakkerlugu (9,1 %) agguaqatigiissitsinermiit qaffasinnerulaarluni.

Kommuneplani malillugu sanaartorfiusinnaasoq sinneruttoq. Inuussutissarsiutinut. umiarsualivinnullu atorneqarsinnaasoq 2.500 m² missingaat. 

Angallannermi periarfissat sullissinerlu

Nunaqarfik helistop-imiit, nunaqarfiup kitaatungaani inissinneqarsimasumiit, sullinneqartarpoq.

Aqquserneq pingaarneq illinerinnaasoq nunaqarfik aqqusaarlugu, avannaatungaani umiarsualivimmiit aamma tele-p sakkorsaaveqarfiiniit kujammut eqqaavissuup iliveqarfiullu tungaanut, ingerlavoq.

1987 innaallagissiorfik dieselitortoq talittarfimmut attuumassuteqartoq napparneqarpoq kiisalu imermik nioqqutissiorneq tarajuiaanikkut ingerlasoq kuuffiit atorlugit imertartarfinnut pilersuisuulluni. Nukissiorfiit ingerlatsisuupput. Nunaqarfimmi illut oliefyr-it atorlugit kiassagaapput. Eqqakkat eqqaavissuarmi nunaqarfiup kitaatungaaniittumi katersorneqartarput, aamma tassani unnuaanerani eqqakkat iginneqartarput. 
Nunaqarfik; oqaluffeqarpoq (1928-mi sananeqarsimasumik), nakorsiartarfeqarpoq, tunitsiveqarluni B-93 poortuiffik qilalukkat nikkuinik mattaanillu, kommune san-naveqarpoq errorsisarfeqarlunilu sannavittalimmik, kiisalu KNI Pilersuisoq pisiniarfeqarpoq.

Ilinniartitaaneq

Nunaqarfik meeqqanut atuarfeqarpoq (Ole Reimarip Atuarfia) 10-it missiliorlugit atuartulik.

Kulturi sunngiffillu

Niuertorutsip illua (B93), (B159)-sitoqaq aamma ullumikkut atuarfiup illutaa (B785), kiisalu quersuatoqqat pingasut (B86, B90 aamma B91) eriagisassatut toq-qarneqarsimapput.

Helistop-ip avannaani nunaminertaq arsaattarfiliorfissatut immikkoortin-neqarsimavoq. Katersortarfiusimasoq 1988-mi atuarfiup siunnertaanut ilanngutsi-taanikuuvoq.


Kingullermik iluarsineqarpoq 19-1-2018

Attaveqarfissaq

Kommune Qeqertalik
Niels Egedes Plads 1
Postboks 220
3950 Aasiaat

Telefon: (+299) 70 19 00
plan@qeqertalik.gl

GER-nr: 37488895