1. Januaari 2011 aallarnerfigalugu, pilersaarusiornermut asimullu akisussaaffik, Naalakkersuisut ataanniissimagaluartoq, kommunip tiguaa, Namminersorlutik Oqartussat asimi soqutigisaat.
Asimi toqqammavilersuutit aalajangersakkallu sumiiffiit ataasiakkaat aggulunneri annerusumik pineqartarput aammalu sumiiffinnut tamakkununnga aalajangersakkanik pingaarnernik aalajangersaanerit. Aalajangersakkat taakku qulakkiissavaat pilersaarutaanngitsumik asimi nunaminertanik atuinnginnissaq.
Nunaminertat asimiittut assigiinngitsunut makkununnga aggorneqarput:
- K – nunaminertat illuaqqanut, sunngiffimmi sammisassaqartitsiviit assigisaannullu atugassat
- L – nunaminertat sammisassaqartitsinermi immikkut pingaarutilinnut atugassat
- M – nunaminertat savaateqarnermut, nunalerinermut, imaanik atuinermut, qimmeqarfittut il.il., atugassat
- N – nunaminertat teknikkimut angallannermi periarfisanut il.il., atugassat
- O – nunaminertat, sanaartorfigeqqusaanngitsut
Nunaminertat ilarpassui nuna tamakkerlugu maleruaqqusatigut aaliangersagartaqareersut tiguneqarput. Kommuneplanili arlalinnik nutaanik, imaluunnit nunaminertanut allannguutinik, imaqarpoq, matumani nunaminertat K-t amerlanerusut. Siunertarineqartoq tassaavoq, takornariaqarnermik inuussutissarsiutinut tunngatillugu, asimi periarfissanik nutaanik qulakkeerinninissaq. Suliniutit pingaarutillit allat ataavartunik nukissiuuteqarnerup ineriartortinnissaanut, aamma nunalerinermut tunngatillugu, misileraalluni ingerlatanut assigiinngitsunut, tunngasuupput.
Kommunimut pilersaarummi aalajangersakkat
Aaliangersakkat aamma Immikkoortu
Pingaarnertut aaliangersakkat kommunip nunaminertanik sanaartornissamut akuersissutinik agguaassisarnerani tunngaviupput.
Aaliangersakkat nalinginnaasut
Aalajangersakkat nalinginnaasut kommunimi illoqarfinnut, nunaqarfinnut asimullu tamanut atuupput. Aalajangersakkat nalinginnaasuupput aamma najukkami immikkoortut ilaanni pissutsinik eqqarsaatiginnittuunatik.