Inatsisitigut sunniutit

Inatsisitigut sunniuteqaataagallartut

Kommunip pilersaarutissaatut siunnersuut imaluunniit kommunip pilersaarutaanut taliussaq tamanut saqqummiunneqarsimagaangat, siunnersuummut ilaasut nunaminertat, illut atortulersuutillu inaarutaasumik kommunip pilersaarutaanik imaluunniit kommunip pilersaarutaanut tapiliussap imarisaanik allannguisinnaanermik pilersitseratarsinnaasumik, sanaartorfigeqqusaanatilluunniit arlaatigut iliuuseqarfigalugit atorneqaqqusaanngillat.

Pilersaarusiorneq pillugu inatsimmi § 23, imm. 3 naapertorlugu oqaaseqaatinik allannguutissatullu siunnersuutinik saqqummiussinissamut piffissaliussap qaanngiunnerata kingorna, piffissaagallartillugu akerliliissutinik takkuttoqarsimanngippat, kommunalbestyrelsip akuerisinnaavaa, nunaminertaq kommunip pilersaarutissaatut siunnersuummut imaluunniit kommunip pilersaarutaanut tapiliussassatut siunnersuummut ilaasoq, sanaartorfigeqqusaalluniluunniit kommunip pilersaarutaanut imaluunniit kommunip pilersaarutaanut tapiliussamut naapertuuttumik arlaatigut iliuuseqarfigalugu atorneqarsinnaasoq.

Siuliini allanneqartut aalajangersakkat atuutissapput, § 25 naapertorlugu kommunip pilersaarutissaatut siunnersuutip imaluunniit kommunip pilersaarutaanut tapiliussassatut siunnersuutip tamanut saqqummiunneqarnissaata tungaanut, taamaattoq siunnersuutip saqqummiunneqarneraniit naatsorsorlugu sivisunerpaamik ukiuq ataaseq atuussinnaalluni.

Inatsisitigut sunniutit.

Kommuneplanip imaluunniit kommuneplanimut ilassutip inaarutaasumik aaliangiiffigineqarnera pisortatigoortumik nalunaarutigineqareerpat, pissutsinik, inatsisitigoortitanik imaluunnit iliutsinik tigussaasunik kommuneplanip aaliangersagartaanut akerliusunik, ingerlatsisoqassanngilaq.

Kommunalbestyrelsi kommuneplanip atortinneqarnissaanik suliaqassaaq, matumani nunaminertanik agguaassinermut tunngasunik, takuuk Pilersaarusiorneq aamma nunaminertat atorneqartarnerat pillugit Inatsisartut inatsisaat nr. 17, 17. november 2010-imeersumi kapitali 6 (§ 29).

Kommuneplanip aaliangersagartaanii immikkortoq, takuuk Pilersaarusiornermut inatsimmi § 14, imm. 2, nr. 3, aamma § 14, imm. 3, qaqugukkulluunniit, illumik piginnittumut imaluunnit nunaminertamik atuisuusumut, inatsisitigut pituttuisuupput.

Kommunalbestyrelsi inerteqqummik aaliangersaasinnaavoq, pissutsinik pilersitsisoqassanngitsoq, nunaminertat aaliangersagartaat malillugit unitsinneqarsinnaasunik, pilersaarusiornermut inatsimmi § 14, imm. 2, nr.3 aamma § 14, imm. 3 malillugit.

Inerteqqut, ukiumi ilivitsumi atorunnaarsinneqarallarsinnaavoq, ataasiaannarlunili. Inerteqqut tamanut ammasumik nalunaarutigineqassaaq.

Naalakkersuisut, kommunalbestyrelsi isumaqatiginiareerlugu, kommuneplanip suliarineqarneranut piffissaliussanik aaliangersaasinnaavoq.