§ 14 Nunaminertanik atugassiissutit atornissaannut piffissat killiliussat
14.1 Nunaminertap sanaartorfissatut tunniunneqartup, sanaartornissamillu piumasaqaatitaqartup, ator-neqarnissaanut piffissaliussaq, ukiunik marlunnik sivisussuseqarpoq. Sanaartornissamut qinnuteqaat, nunaminertap atugassiissutigineqarneraniit kingusinerpaamik ukiup ataatsip qaangiunnerani, tunniun-neqarsimassaaq. Atuilernissamut qinnuteqaat nu-naminertap atugassiissutigineqarneraniit ukiut marluk qaangiutsinnagit tunniunneqarsimassaq, takuuk pilersaarusiornermut nunaminertanullu inatsimmi (§ 47). Sanaartukkani sanaartugassaniluunniit annertunerusuni kommunalbestyrelsep piffissatut killiliussaq sivittuiffigisinnaavaa ukiukkuutaartumik (§ 46).
14.2 Sanaartornissamik akuersissummik pisariaqarti-tsinngitsumik (assersuutigalugu nunaminertat ilioraavissiat, ungaluukkersuutit, illut pinnguartarfiit il.il.) nunaminertamik atugassinneqarnerup atornissaanut killiliussaq tassaavoq ukioq ataaseq.
14.3 Nunaminertamik atugassiissut atorneqanngitsoq annertunerusumik nalunaaruteqaqqaarfiginagu atorunnaarsissaaq, tassalu nunaminertamik atugassiinermi piffissaq killiliussaq aalajangerneqarsimasoq qaangerneqarpat. Kommunalbestyrelse nunaminertamut atuisinnaanermik killiliussamik sivittuineq akuerisimappagu, takuuk imm.14.1 siuliani, nunaminertamut atruisinnaaneq aatsaat atorunnaarsinnaavoq atuisinnaatitaasoq nunaminertamik atuilernissaminik piumasaqaat malitsinngippagu.
14.4 Pilersaarusiornermut inatsimmi kingunerittagaani nr. 17, 2011, § 62, 63 aamma 64 naapertorlugit nunaminertamik atugassiinermi atugarisaasimasumi piffissaq killiliussaq qaangerneqarpat pissutsinik uppernarsaaniarluni Kommunalbestyrelse iliuuserisassaminik aallarniissaaq pilersaarusiornermut nu-naminartanullu inatsit naapertorlugu.
14.5 Imm. 14.1-imi aamma imm. 14.2-mi piffissatut killiliussat aalajangersakkat Kommunalbestyrelsip sivitsorsinnaavai, nunaminertamik atugassiissummik pigisaqartup suliniummik naammassinnissinnaanera missiliuiffineqarluni immikkut ittumik pisoqarpat, nunaminertamillu atugassiissummi piumasaqaatinik aalajangersakkanik naapertuutsitsisinnaappat, tamatumunnga piffissaliussap sivitsorniakkap killinga sioqqullugu allagaralugu tunngavilersorlugu qin-nuteqarpat, piffissalersuinermut sulianullu pilersaarummik uppernarsaassummik ilaqartillugu.
14.6 Imm. 14.1-imi aamma imm. 14.2-mi piffissamut killiliussatut aalajangersakkat Kommunalbestyrelsip aamma sivitsorsinnaavai piffissalersuinermut sulianullu pilersaarummik uppernarsaassutitalimmik ukiuni marlunni suliamik piareersaanerup suliarinninnerullu naammassineqarsiginnaanngisaanni illuliornernut angisuunut teknikkikkullu ingerlatsivinnut atatillugu.
Ineqarnermut Naalakkersuisoqarfik - Ilisimatitsissut:
Nunaminertanik utertitsinermut tunngasoq
tilbagetagelse_af_arealer_kn.pdf (108.5 KB)