Aasiaat

Qitiusumik ingerlatsiveqarfiit ataatsimoorussamillu pisoqarfiusartut

Sumiiffiit qitiusoqarfiit

Nunaminertaq atorneqassaaq ataatsimoorussamik siunertaqarfiusumik oqaluffeqarfittut, atuarfeqarfittut politiiqarfittut illuliortiterfittullu

Nunaminertap annertussusiata 3 ha missiliorpaa

Nutaanik sanaartortoqarsinnaavoq init quleriit marluk angullugit

Nunaminertaq illunut 5-nut 1.000 m2-nillu inissaqarpoq, illuliat inaarutaasumik ilusilersorneqarnissaat. Sanaartorfissatut periarfissat qulaaniittut tamakkerneqareerpata, nunaminertaq tamakkerluni sanaartorfiusimasutut natsorsuutigineqalissaaq, inissamik sinneqarfiunngitsumik. Illut pisoqaanerit nunaminertamiittut isaternerisigut inissamik annertunerusumik pilersitsisoqarsinaavoq

Nunaminertaq aqqusinertigut maanngaanniit sullinneqarpoq Pottersvej, Frederik Lyngesvej, Koorunnguaq, Niels Egedesvej, Peter Olsensvej aamma Otto Rosingsvej

B-144 eqqissisimatitaavoq. Illu isaterneqaqqusaanngilaq allatulluunniit silataata isikkua allanngorteqqusaanani Nunatta Katersugaasivianiit akuersisimasoqartinnagu.
B-404, B-405 aamma B-627 eriagisarialiupput. Illut taakkua ingutserneqassanngillat silatimikkulluunniit allanngortinneqassanatik kommunalbestyrelsi akuersiteqqaarnagu.
Aammattaaq ilivitoqaq politeeqarfiup avannaaniittooq allanngortinneqassanngilaq.

Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit.
Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 61,0 meteri aqqusernillu kote 56,0 qaangerlugu pilersitsivigeqqusaanngitsumi.