Aasiaat

[anvgen3]

[anvspec7]

Immikkoortup atorneqarnera kiffartuussinermik inuussutissarsiorfimmik pilersitsinissami qitiusoqarfittut siunertamut aalajangersarneqarpoq, tikeraanut unnuiniartunut neriniartunullu kiisalu ataatsimiittarfinnut atortulersuutitut ilusilinnut. Nunaminertat sanaartorfiunngitsut, siunertanut allanut atugassiissutaasimanngitsut, nunaminertatut sanaartorfiunngitsutut ataatsimoorussamillu taamaallaat tamanit atorneqarsinnaasutut ilusilersorneqarsinnaapput, ilusilersorneqassallutillu immikkoortup inissisimaneranut atorneqarneranullu naapertuuttumik.

Immikkoortumut nunaminertaq 1 ha-p missaaniittoq ilaavoq.

Nutaamik sanaartukkat umiartortut angerlarsimaffiata pingaarnertut illutaanut, B-41-mut, atasut sisamanik (4) quleriinngorlutik sananeqassapput, naqqup qeqqa minillugu aamma sanaartukkanit massakkut atuuttunit portuninngorlugit sanaartoqqusaapput. Pingaarnermut illup ilaata, B-872, allilerneqarnera, init quleriit sisamat tikillugit sananeqarsinnaavoq.

Illunik sanaartortoqarsinnaavoq Ilanngussaq 1-imi sanaartorfissatut innersuunneqartut iluini. Immikkoortoq B-41-p aamma B-872-ip allilernerinut allanngortiternerinullu nunaminertaq sanaartorfiunngitsoq sinneruttoq, illuliat inaarutaasumik ilusilernerannit aallaaveqassaaq. Siuliini allanneqartut sanaartorfissatut periarfissat saniatigut, sanaartorfissatut innersuunneqartut avataanni inissisimasunik illunik allanik sananissamut akuersinissaq Kommunalbestyrelsip akuersineratigut pisinnaavoq.

Immikkoortoq aqqusinernit ukunannga tikinneqarsinnaavoq Killerpaat, Sammiarneq aamma Katsiaap Aqquserna. Sanaartornerit nutaat, kommunimut pilersaarutip nalinginnaasumik aalajangersagai naapertorlugit, aqquserngup qeqqaniit uuttorlugu aqquserngiornermi killiliussanut (sillimaniarnikkut killeqarfik) aalajangersarsimasunut ilaapput. Sillimaniarnikkut killeqarfik teknikkikkut pilersuinermut immikkoortitaavoq taassumalu iluani illunik suugaluartunilluunniit sanasoqaqqusaanngilaq.

Immikkut ittunik aalajangersakkanik soqanngilaq.

Immikkoortoq tankeqarfimmut atatillugu sillimaniarnermut killeqarfimmut ilaavoq. Sillimaniarnermut killeqarfik tankeqarfiup avammut killeqarfia kaajallallugu 50 meteriuvoq. Immikkoortup ilaani tassani sanaartortoqaqqusaanngilaq imaluunniit sillimaniarnikkut killeqarfimmut aalajangersakkanut akerliusumik allatut atuisoqaqqusaanani. Mittarfiup eqqaani sillimaniarnikkut killeqarfiit aalajangersarneqarnikuupput, ilutsimikkut narsarartaallutik akornusersorneqanngitsut, ilaatigut nunaminertaq toqqissoq ulamertorlu ilaatigullu mittarfiup tallissutaani mikkiartornermi tingilernermilu nunaminertat toqqissut. Immikkoortoq inissisimavoq mittarfiup narsarartaani akorsersorneqanngitsumi aamma nunaminertamut toqqissumut ilaalluni, tassani illut atortulersuutillu allat portunerpaaffimmit 61,0 meterimik portunerusut sanaqqusaanngillat aqqusernerillu portunerpaaffimmit 56,0 meterimik portunerusumi sanaqqusaanatik.

Immikkut ittunik aalajangersakkanik soqanngilaq.