Aasiaat

[anvgen4]

[anvspec9]

Aaliangiunneqarpoq nunaminertaq sanaartorfigineqassanngitsoq ataatsimoorussamik sunngiffimmi sammisassaqartitsiviussaaq sisoraatinullu illiniliorfiusarluni

Nunaminertap annertussusiata 10 ha missiliorpaa

Eqqissisimaarfiusartuni taamaallaat, pingaaruteqanngitsunik annikitsuaqqanik nutaanik sanaartortoqarlunilu, suliarinnittoqarsinnaavoq

Immikkut aaliangersagartaqanngilaq

Taamaallaat nunaminertami kommuneplanip pilersaarutaasa suliarineqarnissaat qulakkeerniarlugu aqquserniortoqarluni allanik sanaartortoqarsinnaavoq

Immikkut aaliangersagartaqanngilaq

Nunaminertaq imeqarfimmut killigititaqarpoq. Killigititaq illoqarfiup tunummut killinganiit 30 meterinik ungalliulluni ingerlavoq. Killigititap iluani illuliorneq, sanaartorneq, qimmiliveqarnerluunniit inerteqqutaapput.
Nunaminertaq qaartiterutissaasivinnut isumannaallisaanermut killigititap iluaniippoq. Nunaminertap ilaa tamanna sanaartorfigineqassanngilaq, allatulluunniit isumannaallisaanermut killigititanut aaliangersakkanut akerliusumik, atorneqassanani.
Qaartiterutissaasiviit eqqaani angalanermi isumannaallisaanermut killigititaq ataqqineqassaaq, taamaattorli ungaluukkanik assiaqutserneqarsimanngitsup iluani angalaartoqarsinnaajuaannassaaq.
Nunaminertaq tele-p atortuinut tunngatillugu, akornusersuuteqartoqannginnissaanut killigititap iluaniippoq. Akornusersuuteqartoqannginnissaanut killigititaq allanngersimasuunngilaq, apeqqutaatillugu tele-p atortui sumi inissinneqarsimanersut. Nunaminertap ilaa tamanna sanaartorfigineqassanngilaq, allatulluunniit akornusersuuteqartoqannginnissaanut killigititanut aaliangersakkanut akerliusumik, atorneqassanani. Nunaminertami tassani tele-p atortui 175,0 meterinik avaqqullugit akornusersuuteqartoqannginni-ssaanut killigititaqarpoq.
Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit.
Nunaminertaq akornusersuuteqarfiunngitsussap iluaniippoq, taamaalillunilu mikkiartortarfimmut qangattarsartarfimmullu ilaalluni. Illuliat sanaartukkallu portunerpaaffissaat aamma aqqusernit portunerpaaffissaat (kipkote), mittarfimmit qanoq unngasissuseqarnerannut, Ilulissallu qeqqanniit sanimorluinnaq titarlugu ungasissusiannut attumassuteqarput.
Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 61,0 meteri aqqusernillu kote 56,0 qaangerlugu pilersitsivigeqqusaanngitsumi.
Mittarfimmi tikikkiartornermut qullernut immikkut killeqarfinnik aalajangersagaqarpoq. Qullernit qinnguisoqarfimmik illut, aqqusinerni angallatit il.il. inissinnermikkut assiaqusiis-sanngillat.

Imeqarfimmut piumasaqaatitalimmik killiliussaq atorunnaassagaluarpat, taava nunaminertaq illoqarfimmi siunertanut nutaanut atorneqarsinnaalissaaq.