Qeqertarsuaq

[anvgen3]

[anvspec8]

Aaliangiunneqarpoq nunaminertaq ataatsimoorluni ingerlatsinermi siunertanut, atuarfiit, meeqqeriviit, kulturikkut timersornermilu ingerlatsiviit aamma assingusunik pisortat ingerlataannut atorneqassasoq

Nunaminertap annertussusiata 2 ha missiliorpaa

Nutaanik sanaartortoqarsinnaavoq init quleriit marluk angullugit. Sanaartukkat oqaluffiup portussusaanit portuninngorlugit sananeqassanngillat.

Nunaminertami inissaq sinneruttoq 500 m²-uvoq illuliat inaarutaasumik ilusilersorneqarnissaat apeqqutaatillugu. Sanaartorfissatut periarfissat qulaaniittut tamakkerneqareerpata, nunaminertaq tamakkerluni sanaartorfiusimasutut natsorsuutigineqalissaaq, inissamik sinneqarfiunngitsumik.

Nunaminertaq aqqusinertigut maanngaanniit sullinneqarpoq Pitaaqqap Aqquserna, Aqqalualip Aqquserna, Holten Møllerip Aqquserna aamma Oqaluffiup Aqquserna

B-67, B-68 amma B-502 eqqissisimatitaavoq. Illu isaterneqaqqusaanngilaq allatulluunniit silataata isikkua allanngorteqqusaanani Nunatta Katersugaasivianiit akuersisimasoqartinnagu.
B-70, B-86 aamma B-287 eriagisarialiupput. Illut taakkua ingutserneqassanngillat silatimikkulluunniit allanngortinneqassanatik kommunalbestyrelsi akuersiteqqaarnagu.
Nunaminertaq immikkut eriagisarialittut toqqagaanikuuvoq (§2-nunaminertaq)

Immikkut aaliangersagartaqanngilaq

Illunut B-68, B-86 amma B-502 15 meterit aamma B-67 25 meterit ataallugit, oqaluffimmut attuumassuteqanngitsunik, qanissusilimmik sanaartortoqassanngilaq. Nunaminertap kitaatungaani masarsuk attorneqassanngilaq taavalu arsalerisarfittut pinnguartarfeqarfittut immaqalu timersortarfiup allissutissaanut atugassanngortinneqassalluni