Qasigiannguit

[anvgen5]

[anvspec11]

Nunaminertaq teknikkimut tunngasunit, soorlu eqqaavissuartut aamma ujaqqanik piiaavittut, atorneqassasoq aalajangersarneqarpoq. Nunaminertat sanaartorfiunngitsut, siunertanut allanut atugassiissutaasimanngitsut taamaallaat ilusilersorneqarsinaapput imaluunniit pisortat sanaartorfiginnissaattut ataatsimoorussatut atorneqarsinnaapput, ilusilersorneqassallutillu immikkoortup inissisimaneranut atorneqarneranullu naleqquttunik.

Immikkoortortaq E05 ilanngussaq 1-imisut takuneqarsinnaasutut killeqarpoq. Immikkoortortaq 5,1 ha-t missaanni angissuseqarpoq. Immikkoortortaq E05 immikkoortortaqarpoq: A 1,5 ha-t missaanni angitigisoq. B 3,0 ha-t missaanni angitigisoq.

Immikkoortortap iluani immikkoortut marluk illunik minnerusunik sulisut allaffissortullu atorsinnaasaannik sanaartorfissatut immikkoortitsivigineqassapput. Atuuffiit taakkua iluini containerinik/ quinik aamma ilisisoqarsinnaavoq kiisalu containerit eqqakkanik katersuiffiit pilersinneqarsinnaallutik. Illut annerusut eqqakkanik suliaqarfiusussat pilersinneqarnissaat aamma periarfissinneqarput. Sanaartukkat ataatsimik quleriittut portunerpaaffilerlugit sanaartoqqusaapput, nunamiit illup qaliata portunerpaaffianut 10 meterit portunerpaaffigisinnaavaat. Taamaattorli ujaqqanik aserorterutit immikkoortiterussutillu 20 meteri angullugu portunerpaaffeqarsinnaatitaapput.

Immikkut aaliangersagartaqanngilaq

Immikkoortortaq Qaerssorassat-nit aqqusinikkut tikinneqarsinnaavoq.

Immikkut aaliangersagartaqanngilaq

Taseq imermik pilersuisoq illersorniarlugu killeqarfik 500 meterisut takissusilik taamaalilluni aalajangersarneqarpoq, nunaminertap eqqaa eqqakkanik toqqortaavittut atorneqarsinnaavoq, tamaanilu inissianik aamma avatangiisinit mianersorfittut atorneqartunik sanaartortoqaqqusaanngilaq.

Nunamik qaartiteraluni sulineq qaartiterutissat pillugit Namminersornerullutik Oqartussat nalunaarutaat nr. 16 16. juli 2007-meersoq naapertorlugu pissaaq. Nunaminertami mingutsitsivallaartumik suliffeqarpoq. Suliffeqarfimmik mingutsitsisumik pilersitsissagaanni, Namminersornerullutik Oqartussat nalunaarutaat nr. 11, 20. august 2004-meersoq - Suliffeqarfiit mingutsitsivallaartut il.il., avatangiisinut akuersissuteqarfigineqartarnerat - tunngavigalugu, avatangiisimut akuersissummik qinnuteqaateqartoqassaaq. Nunaminertami suliffeqarfinnik mingutsitsivallaartunik allilerisoqarsinnaavoq. Nunaminertamik atuisinnaanermut akuerisssutinik tunniussinermi avatangiisit eqqaannilu mingutsitsisinnaanerup pinaveersartinnissaannut iliuusissat pisariaqartinneqartut pigineqarnersut qulakkeerneqassapput. Eqqakkanik suliaqarnermi aamma uuliakumik, akuutissanik toqunartunillu toqqortaqarnermi inatsit taakkununnga tunngasoq sukannerusumik malinneqassaaq.