Toqqissisimaneq tassaavoq, ilikkagaqarniarnermi, ineriartornermi inuunerinnermilu, toqqammavik pingaarutilik. Toqqissisimaneq amerlanertigut ilaquttanut ikinngutinullu attuumassuteqartarpoq, aammali avatangiisinut sinaakkuttanullu piviusunut annertummik pingaaruteqartarluni. Taamaattumik pingaartuteqarpoq illoqarfiup ataatsimoortarfiini sinaakkutit qaffasissumik pitsaassusillit pilersinnissaat kiisalu najugaqarfitta ulluinnarni inuunermut kikkut tamarmik pissusissamisoortumik akuuutinneqarnerisigut kiisalu katataqannginnissaq imaluunnit ataatsimoornermmit katataqannginnissaq ilanngullugit.
Anguniakkat
- Kommune Qeqertalik toqqissimaneq pingaartippaa, tigussaasumik pilersaarusiornermi, innuttaasut tamarmik, sumi najugaqarneq apeqqutaatinnagu toqqissisimanartunik sinaakkutaqarnissaata, eqqarsaatinut ilanngunneratigut.
- Naapittarfiit pitsaasut, silami illullu iluani ataatsimoorneq toqqissisimanerlu, nukittorsartarpaat. Taamaattumik qulakkeerneqassaaq, inoqarfinni pitsaalluartunik qitiusumik illoqannginninnersaqarnissaa, nunaminertaqarluni, katersortarfeqarluni assigisaanilluunniit, innuttaasut qanoq ukioqassuseq apeqqutaatinnagu ataatsimoorfigisinnaasaannik.
- Meerartatta inuusuttortattalu toqqissisimasuunissaat nuannaartuunissaallu qulakkeerniarlugu immikkut iliuuseqartoqassaaq – assersuutigalugu pinnguartarfinnik ullutsinnut naaleqquttunik, timersuutinik assigiinngitsunik ingerlatsiviusinnaasunik, timigissarfiusinnaasunik pinngortitamilu misigisassanik, pilersitsinikkut
- Najugaqarfiit ilusilersorneqarnerannut, ataatsimoortarfiinut, pisuinnaat aqqutaannut, atuartut aqqutaannut assigisaannullu qaffasissumik pitsaassuseqartut Toqqissisimaneq pissusissamisoortumik uuttuutitut ilaassaaq.
- Inissiat neqeroorutaasut ilusilersorneqarsimassapput, inuuneq naallugu illoqarfiup immikkoortortaani najugaqartoqarsinnaanngorlugu – tamanna toqqissisimanermik pilersitsisarpoq.
