Tusarniaanerit - Kommunimut pilersaarutip tapia

Kommunip pilersaarutaata tapiatut siunnersuut 1100-E05-2, ”Eqqaavissuaq/ujaqqerivik”, Qasigiannguit

 Ujaqqanik piiaaneq aamma ujaqqanik aserorterineq kiisalu eqqakkanik suliaqarneq pitsaasunik atugarissaartinneqarnissaat periarfissaqartinniarlugit tapersersuinissaq pingaartuupput.

Ataatsimiititaliap INUA-ta kommunimut pilersaarutip tapiatut siunnersuut 1100-E05-2 ”Eqqaavissuaq/ ujaqqerivik” tamanut tusarniutigineqassasoq ulloq 17. november 2020 aalajangerpaa.

 

Kommunimut pilersaarutip tapiata siunertaa

Kommunimut pilersaarutip tapiatut siunnersuut Qasigiannguani ujaqqeriviup eqqaavissuullu nunaminertamik atuinerisa alliliiffigineqarnissaat siunertanillu allanik atorneqarsinnaalernissaat siunertarai. Immikkoortumik 1100-E05-mik alliliineq ima pissaaq immikkoortoq 1100-D12 nunaminertap taassuma qanittuaniittoq millilerneqassaaq.

Nunaminertap ujaqqerivinngortinneqarnerani eqqakkanik suliarinninnerit toqqortaasiveqarnerillu pitsanngoriartissagai naliliisoqarpoq, matumani eqqakkat immikkoortiterlugit suliarineqartarnerini inissat qulakkeerneqassapput kingusinnerusukkullu kommunip avataanut ikuallatassatut nassiunneqarnissami tungaannut taakkunaniisinneqarsinnaassallutik.

Kommunimut pilersaarutip tapiatut siunnersuut 1100-E05-2 piffissami uani tamanut tusarniutitut saqqummiunneqarpoq: 04.12.2020-miit 29.01.2021-mut.

 Kommunimut pilersaarutip tapiatut siunnersuut sapaatip-akunnerini arfineq-pingasuni 8 tusarniutaavoq. Piffissami tassani kikkut tamarmik – innuttaasut, suliffeqarfiit, paaqqinnittarfiit, peqatigiiffiit il.il.. – akerliullutik nalunaaruteqarsinnaapput, oqaaseqarsinnaapput aamma allannguutissatut siunnersuuteqarsinnaapput.

 

Illit tusarniutitut akissutit kommunimut maikkut uunga plan@qeqertalik.gl. tunniussinnaavat. Akissutit najukkarni Sullissivimmut aamma tunniussinnaavat imaluunniit kommunimut nassiussinnaavat.

 

Tamanut saqqummisitsinerup kingorna kommunalbestyrelsip akerliulluni nalunaarutaasinnaasut aamma allannguutissatut siunnersuutit suliarissavai tamatumalu kingorna siunnersuut inaarutaasumik akuerineqassaaq.

 

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 29.01.2021 nal. 12.00.