Aasiaat

[anvgen3]

[anvspec7]

Immikkoortup atorneqarnera ima aalajangersarneqassaaq:
- Qitiusoqarfimmi siunertat pisiniarfiit, inuussutissarsiutit namminersorfiusut, nakorsiarfiit, pisortat aama namminersortut kiffartuussivii, pisortat allaffeqarfii, akunnittarfik, cafét, neriniartarfiit assigisaallu kiisalu siunertat ataatsimoorfiusut soorlu atuarfik, paaqqinnittarfiit, kulturikkut timersornikkullu atortulersuutit assigisaallu tamanit atorneqartussatut siunertallit.
- Inissiat assigiinngitsut; imminnut qanittut pukittut aamma inissiat quleriinnik initallit.
Sanaartukkat nutaat aqqusinernut, pisuffissianut, biilit uninngasarfiinut assigisaanut, teknikkikkut atortulersuutinut nalinginnaasumik atortulersorlugit sanaartorneqarsinnaapput.
Nunaminertat sanaartorfiunngitsut, siunertanut allanut atugassiissutaasimanngitsut taamaallaat ilusilersorneqarsinaapput imaluunniit pisortat sanaartorfiginnissaattut ataatsimoorussatut atorneqarsinnaapput, ilusilersorneqassallutillu immikkoortup inissisimaneranut atorneqarneranullu naleqquttunik.

Immikkoortoq C03 ilanngussaq 1-mi takuneqarsinnaasutut killilersorneqassaaq. Immikkoortoq 4,3 ha-t missaanni angissuseqarpoq.
Immikkoortoq C03 immikkuualuttunik makkunannga imaqarpoq:
1000-C03.1 1,77 ha-t missanni angitigisoq
1000-C03.2 2,54 ha-t missaanni angitigisoq

Ilanngussami 2-mi takutinneqartutut sanaartorfiit iluini taamaallaat nutaanik sanaartortoqarsinnaavoq.
Sanaartorfinni 1-4 aamma 17-21-mi quleriinnik marlunnik (2) portutigisunik nutaamik sanaartortoqarsinnaavoq nunamit sanaartukkap portunerpaaffianut 10,0 meterimik portunerpaaffeqarsinnaapput.
Sanaartorfinni 5-12 aamma 14-16 quleriinnik pingasunik (3) portutigisunik nutaanik sanaartortoqarsinnaavoq nunamit sanaartukkap portunerpaaffianut 12,5 meterinik portunerpaaffeqarsinnaapput.
Sanaartorfiup 13-p iluani sanaartukkat nutaat akunnittarfittut, neriniartarfittullu atorneqartussat, quleriinnik tallimanik (5) portussuseqarlutik sanaartorneqarsinnaapput nunamit illup portunerpaaffianut annerpaamik 18 meterimik portutigeqqusaallutik.
Sanaartorfinni ataasiakkaanni illut portussusiat nunamiit illup portunerpaaffianut uuttorneqassaaq, qatsissusiinik aalajangikkat Kommune Qeqertalimmit akuerisat naapertorlugit.

Immikkoortumi inissaq sinneruttoq 5.000m²-iussaaq inissiat 140-t taakkua ilusilersorneqarnerat apeqqutaallutik.
Matuma siuliini allanneqartuni sanaartorfissat atorneqareerpata, immikkoortoq tamakkerluni sanaartorfigineqareersutut sinneruttunillu inissaqartitsiffiunngitsutut isigineqalissaaq.

Immikkoortoq Wille Brandtsvejip aqqusernatigut tikinneqarsinnaassaaq aamma aqqusineq taanna immikkoortumut tallilerneqassaaq.

Immikkut aaliangersagartaqanngilaq

Mittarfiup eqqaani akornutissartaqanngitsumik nunaminertat piumasaqaatitaqarfiusut aalajangersaavigineqarput, taakkua ilaatigut nunap sanimut sammisuini aamma maniilakulattuni kiisalu mittarfiup tallineqarnerata kingorna mikkiartortarfiit qangattartarfiillu aallaavigalugit aalajangersaavigineqarluni.
Immikkoortortaq mittarfiup akornutissartaqanngitsumik pilersaarutaata ataaniippoq aamma nunap sanimut sammisuaniilluni, tassani illut sanaartukkallu allat 61,0 meterit sinnerlugit portussusilerlugit sanaartoqqusaanngillat aqquserngillu 56,0 meterit sinnerlugit portussusilerlugit aamma sanaartoqqusaanatik.

Immikkut ittunik aalajangersagaqanngilaq.